Charlie Parker | |
---|---|
![]() Parker by Three Deuces, New York in 1947 | |
Agtergrondinligting | |
Geboortenaam | Charles Parker Jr. |
Ook bekend as | Bird, Yardbird |
Gebore | Kansas City, Kansas, V.S.A. | 29 Augustus 1920
Oorsprong | Kansas City, Missouri |
Sterf | 12 Maart 1955 (op 34) New York Stad, New York, V.S.A. |
Genres |
|
Beroep(e) |
|
Instrumente | Alt saxofoon en tenoor saxofoon |
Jare aktief | 1937–1955 |
Etikette | Verenigde State: Savoy Records
Verenigde Koninkryk: Esquire Records
|
Assosiasies | |
Webwerf | charlieparkermusic |
Charles "Charlie" Parker Jr. (29 Augustus 1920 – 12 Maart 1955) (sy noemname was "Bird" of "Yardbird") was 'n Amerikaanse jazz saxofoonspeler en komponis.[1] Parker was 'n baie invloedryke solis en 'n leidende figuur wat die ontwikkeling van bebop betref,[2] 'n vorm van jazz wat gekarakteriseer word deur vinnige tempos, virtuose tegniek en gevorderde harmonieë. Parker was 'n besonders talentvolle virtuoos en het rewolusionêre harmoniese idees in jazz bekendgestel, insluitende vinnige akkoorde en nuwe wisselvorme van gewysigde akkoorde en akkoord substitusies. Sy hoofinstrument was die alt-saxofoon, en sy toon het van skoon en skerp klanke tot soet en droefgeestige, treurige klanke gewissel.
Parker het reeds vroeg in sy loopbaan die noemnaam "Yardbird" verkry toe hy saam met Jay McShann getoer het.[3] Hierdie noemnaam en die verkorte vorm daarvan, "Bird", is vir die res van sy lewe gebruik en het as inspirasie gedien vir verskeie van sy komposisietitels, soos die "Yardbird Suite", "Ornithology", "Bird Gets the Worm", en "Bird of Paradise". Parker was 'n ikoon van die hipster subkultuur van die 1940's en later die Beat Generasie. Hy was die personifikasie van die jazz musikant, deur sy beeld as kompromislose kunstenaar en intellektueel, eerder as iemand wat slegs vermaak bied.